Ним – Үндістанда өсетін шөп, теріше күтім жасайтын компонент ретінде кеңінен танымал. Ним жапырағындағы, жемісі мен тамырындағы антибактериалды, қышымаға қарсы, қабынуға қарсы және антисептикалық қасиеттер оны теріге байланысты көптеген проблемаларды, яғни бөртпе, жарақаттар мен тітіркенуді емдеуде ерекше әсер береді. Ним жапырақтары мыңдаған жылдардан бері теріге күтім жасау үшін қолданылады. Үндістанда нимді жоғары бағалайды және теріге күтім жасау мен емдеуде пайдаланылады.

Ғылыми зерттеулер нимнің келесі емдік қасиеттерге ие екендігін көрсетті:

Вирусқа қарсы: вирустың дамуының алдын алады.

Фунгицидті: қышыманың ұлғаюының алдын алады.

Бактерияға қарсы: бактериядан туындаған инфекциядан арылуға және оның қайта дамуының алдын алуға көмектеседі.
Қолданған кезде экземаға шалдыққан теріні емдеуде көптеген стероидті компоненттер тәрізді ним де тиімді, бірақ стероидті компоненттерге қарағанда, ешқандай жағымсыз әсері жоқ.

Ауырсынуды сездірмейді: ауырсыну белгісін жеңілдетеді.

Қабынуға қарсы: ним терінің қызаруы мен тітіркенуін басатыны белгілі. Оның құрамына енетін екі негізгі қаьынуға қарсы компонент нимбин және нимбидин деп аталады.

Микробқа қарсы: микробтың дамуының алдын алады.

Аюрведа ғылымы алоэ вераны мәңгілік өмірді сыйлайтын өсімдік деп атағаннан бастап, оны теріге күтім жасау үшін пайдаланады. Ол жарақатты емдейтін қасиетімен кеңінен танымал және әдетте күйікті, жараны, псориазды емдегенде, тіпті жәндіктер шаққанда да қолданады. Сондай-ақ алоэ ауырсынуды басатын қасиетке ие. Оның емдік қасиеттерінің тиімділігіне көз жеткізу үшін алоэ жапырағын кесіп алып, тоңазытқышта салқындатып, күнге күйген теріге сөлін сығып жағыңыз: сіз бірден жағымсыз белгілердің тыйылғандығын сезінесіз. Алоэ вераны ертеден-ақ жараларды емдеу үшін пайдаланады, әсіресе күн мен жылу күйігінен кейін. Бұл өсімдік С, Е дәрумендеріне және теріні нәрлендіріп, қартаю үдерісін баяулататын бета-каротинге бай. Ол теріні майлы етпей, ылғалдандырады, яғни терісі майлы адамдарға да жарайды.

Куркума бактерицидті және қабынуға қарсы қолданылады. Куркума теріге күтім жасауда маңызды болып табылатын көптеген пайдалы қасиеттерге ие. Куркуманың қабынуға қарсы қасиеттері терінің қызаруын басуға көмектеседі, сонымен қатар пигменттің өсуінің алдын алады. Бактерицидті қасиеттері безеулі бөртпелермен күресуге көмек береді. Қартаю үдерісінің баяулауы: құрғақ теріні ылғалдандырады және бетке әжімнің түсуінің алдын алады, осылайша қартаю үдерісін баяулатып, теріні жасартып көрсетеді. Куркуманы тағам ретінде қолданғанда, теріге қосымша қорек беріліп, жарқырай түседі.

Адамның сандал ағашын пайдалану тәжірибесі төрт жүз жылдан асады, бұл осы қоспаны теріге күтім жасаудың ең көнелерінің бірі екенін аңғартады. Оны парфюмерияда, косметикада, медитация тәжірибелерінде қолданады. Сандал ағашының майы басқа майларға қарағанда, теріге пайдалырақ. Сырттай қолданғанда, ол жараның жазылуына ықпал етеді.

Мияны көп жылдан бері тері ауруларын емдеуде қолданады. Journal of Drugs in Dermatology медицина журналында мия куперозды, атопиялық дерматитті, дәрі-дәрмектерді қолдануға байланысты пайда болған псориаз бен бөртпені емдеуде пайдалы екендігі айтылады. Зерттеулер қызылмия сығындысын (мияның екінші атауы) экземаны емдеуде қолдануға болатынын көрсетті. Қызылмия теріде мықты дәнекер тіндердің түзілуіне ықпал етеді.

Майсана (үпілмәлік) майы өсімдіктің өзі тәрізді Үдістан мен Африкада кеңінен қолданылады. Міне, бірнеше жылдан бері ол қабынуға қарсы және бактерицидті дәрілік зат ретінде белгілі, тері ауруларын емдегенде, теріге күтім жасағанда жоғары бағаланады. Үпілмәлік майы күйікті, аяқтың қышыма ауруын, қышуды, дерматитті емдеуге көмектеседі. Майсана майының құрамындағы май қышқылдары теріні ылғалдандыруда пайдалы.

Гарциния майын тыртықтарды емдеуде, теріде пигмент дақтарды жоюға, сондай-ақ теріні ульракүлгін сәуленің әсерінен қорғау үшін қолданады. Оны терінің алуан түрлі ауруларын емдеуде пайдаланады, оның ішінде дерматит, безеулі бөртпе және экземаны емдеуде. Май жетілген теріге, күнге күйген теріге күтім жасауда, әжімдерден құтылу мақсатында терінің созылуын жою үшін, сонымен бірге тырнақты қорғау үшін пайдаланады.

Райхан дәрілік өсімдіктер тобына жатады және адам ағзасына пайдасы жағынан жетекші орындардың бірін алады. Бұл хош иісті дәмдеуіш ғана емес, сонымен қатар ғылыммен бұрыннан дәлелденген құнды қасиеттері бар өсімдік. Косметологияда райхан теріні тыныштандырады, тері тесігін тазартады, тіндердің қалпына келуіне, жасаруына және сергітілуіне ықпал етеді. Сонымен қатар, райхан бактерияға қарсы әсер етеді, бұл оны теріні емдеуде тиімді етеді.